ភ្នំពេញ, កាលពីថ្ងៃទី 22 ខែតុលា ឆ្នាំ 2024 – ក្រុមហ៊ុន Technovage Solution Co., Ltd សហការជាមួយនឹងក្រុមហ៊ុន CABS បានរៀបចំកម្មវិធី SOC Shield Cambodia 2024 នៅឯ GIA Tower ដោយមានការចូលរួមពីសំណាក់ស្ថាប័នរដ្ឋឯកជន ស្ថាប័នអប់រំ ធនាគារ និងសហគ្រាសតូចធំជាច្រើននៅក្នុងព្រះរាជាណាចក្រកម្ពុជា។ ជាពិសេសគឺមានការចូលរួមពីសំណាក់់អ្នកជំនាញសន្តិសុខសាយប៊័រជាតិនិងអន្ដរជាតិជាច្រើនរូប ដើម្បីពិភាក្សាពីបញ្ហាសន្ដិសុខសាយប៊័រដែលកំពុងកើតមានឡើងនាពេលបច្ចុប្បន្ន ក៏ដូចជាចែករំលែកពីដំណោះស្រាយច្ចេកទេសថ្មីៗក្នុងការការពារសន្តិសុខតាមរយៈការតាមដានបន្តផ្ទាល់ដោយប្រើ SOC (Security Operations Center) ដែលជា Platform ដ៏សំខាន់មួយក្នុងការការពារក្រុមហ៊ុន និងស្ថាប័នរបស់អ្នកពីការគំរាមកំហែងតាមឌីជីថល។
ថ្លែងនៅក្នុងឪកាសនេះផងដែរ លោក វង្ស សុខា អគ្គនាយកនៃក្រុមហ៊ុន Technovage Solution Co.,Ltd បានលើកឡើងពីភាពចាំបាច់នៃការកែលម្អប្រព័ន្ធបច្ចេកវិទ្យាសន្ដិសុខ ដែលស្ថាប័នទាំងអស់នៅក្នុងប្រទេសកម្ពុជាគួរតែយកចិត្តទុកដាក់ ដើម្បីការពារការវាយប្រហារផ្សេងៗ ស្របពេលដែលបច្ចុប្បន្ននេះកំណើននៃការវាយប្រហាតាមបច្ចេកវិទ្យាកំពុងតែមានការកើនឡើងយ៉ាងឆាប់រហ័ស ជាមួយនិងរបៀបវាយប្រហារកាន់តែទំនើបពីមួយថ្ងៃទៅមួយថ្ងៃ។ ហេតុដូច្នេះស្ថាប័នទាំងអស់ត្រូវតែធ្វើការឈ្វេងយល់ពីបញ្ហានៃការគម្រាមកំហែងនិងប្រើប្រាស់បច្ចេកវិទ្យាទំនើបចុងក្រោយដើម្បីធ្វើការការពារស្ថាប័នរបស់លោកអ្នក។
នៅក្នុងព្រឹត្តិការណ៍នេះផងដែរ តំណាង StellarCyber Open XDR, SOTI MDM និង RevBits PAM ក៏បានធ្វើការចែករំលែកចំណេះដឹង និងបានការបង្ហាញពីបច្ចេកវិទ្យាសន្ដិសុខសាយប័រថ្មីជំនាន់ចុងក្រោយពាក់ព័ន្ធនិងប្រព័ន្ធការពារ ភ្ជាប់ជាមួយនឹងបច្ចេកវិទ្យា AI ទំនើបដែលអាចពិនិត្យតាមដាន និងគ្រប់គ្រងការវាយប្រហាសបានកាន់តែមានប្រសិទ្ធភាពខ្ពស់ផងដែរ។
ដោយឡែកសម្រាប់ RevBits គឺជាក្រុមហ៊ុនសន្តិសុខសាយប័រឈានមុខមានប្រពភមកពីសហរដ្ឋអារមេរិក ដែលមានឯកទេសក្នុងដំណោះស្រាយប្រព័ន្ធសន្តិសុខសាយប័រដូចជា Privillaged Access Management (PAM), Deception Technology, EDR, Email Security, Zero Trust Network Access (ZTNA) and Central Intelligent Platform ជួយឱ្យស្ថាប័នគ្រប់គ្រងសន្តិសុខប្រព័ន្ធនិងទិន្នន័យកំរិតខ្ពស់បំផុត។
ជាមួយគ្នានេះដែរសម្រាប់ StellarCyber គឺជាក្រុមហ៊ុនសន្ដិសុខសាយប៊័រ ដែលមានផ្លែតហ្វម Open XDR platform ដែលរួមបញ្ចូលនូវ Tools សន្ដិសុខសាយប៊័រជាច្រើនរួមមាន SIEM, EDR, NDR និង SOAR នៅក្នុងប្រព័ន្ធតែមួយ។ ជាពិសេសគឺមាននូវបច្ចេកវិទ្យា AI ទំនើបចុងក្រោយបំផុត ដែលអាចជួយរៀបចំ និងធ្វើការចាប់ ក៏ដូចជាឆ្លើយតបទៅលើការវាយលុក និងការគំរាមកំហែងសាយប៊័របានយ៉ាងមានប្រសិទ្ធិភាពខ្ពស់ផងដែរ។
ទន្ទឹមនឹងនេះផងដែរ SOTI គឺជាក្រុមហ៊ុនឈានមុខគេនៃការគ្រប់គ្រងឧបករណ៍ចល័ត (MDM) និងដំណោះស្រាយការគ្រប់គ្រងកម្មវិធីទូរស័ព្ទ Tablet និង IOT devices។
គួរជម្រាបផងដែរថា ក្រុមហ៊ុន Technovage Solution Co.,Ltd គឺជាក្រុមហ៊ុនផ្ដល់ដំណោះស្រាយបច្ចេកវិទ្យារបស់ខ្មែរ ដែលផ្ដល់នូវសេវាកម្មដំណោះស្រាយបច្ចេកវិទ្យា៣ធំៗ រួមមាន ដំណោះស្រាយសុវត្ថិភាពសន្ដិសុខសាយប៊័រ (Cybersecurity Solutions) ហេដ្ឋារចនាសម្ព័ន្ធបណ្ដាញ (Network Infrastructure) និងអភិវឌ្ឍន៍កម្មវិធី (Software Development) ផងដែរ។ សម្រាប់ព័ត៌មានបន្ថែកក៏ដូចជាការប្រឹក្សាយោបល់ផ្សេងៗ អាចទាក់ទងទៅកាន់លេខ (+855) 92 282 412 ឬ Email: [email protected]។
